لە تۆڵەی خستنەخوارەوەی فڕۆكەیەكیدا روسیا هێرشی ئاسمانی چڕی كردەسەر ئیدلیب

0

روسیا هێرشی ئاسمانی چڕی كردەسەر ئەو ناوچەیەی كە تێیدا یەكێك لە فڕۆكە سەربازییەكانی وڵاتەكەی خرایەخوارەوە.

دوێنێ شەممە، فڕۆكەیەكی روسی سیخۆ 25 لەلایەن گروپە چەكدارەكانی سەر بەئۆپۆزسیۆنی سوریا لە ئیدلیب خرایە خوارەوە.

ئەمڕۆ یەكشەممە، لە تۆڵەی ئەو هێرشەدا روسیا هێرشێكی چڕی كردەسەر ئەو ناوچەیەی كە موشەكەكەی لێوە دەرچووەو بووە هۆی كەوتە خوارەوەی فڕۆكەكە، بەپێی لێدوانی چالاكوانانی سوریا و بەرپرسانی حكومەتی روسیا دەیان كوژراوی لێكەوتووەتەوە.

ڕوانگەی سوری بۆ مافەكانی مرۆڤ، كە بارەگاكەی لە بەریتانیایە ڕایگەیاند، “لەچەند كاتژمێری بەرەبەیانی ئەمڕۆدا، بەلایەنی كەمەوە 68 هێرشی هەوایی كراوەتەوە سەر پارێزگای ئیدلی”.

پێشتر وەزارەتی بەرگری ڕووسیا ڕایگەیاندبوو، لە هێرشی ئاسمانی فڕۆكە شەڕكەرەكانی وڵاتەكەیدا بەلایەنی كەمەوە 30 چەكدار كوژراون، كە بەرپرس بوون لە خستنەخوارەوەی فڕۆكە سەربازییە روسیەكەدا لە پارێزگای ئیدلیب.

بڵاوکردنەوە لە

بۆچوونێک بنووسە